الرئيسية > آش واقع > ربطة ال ترامب فالمغرب زغبية. بعد نسيبو كوشنير ها مراتو وبنتو ومستشارتو البوگوصة ايفنكا كتشيد ببلادنا
19/08/2019 19:25 آش واقع

ربطة ال ترامب فالمغرب زغبية. بعد نسيبو كوشنير ها مراتو وبنتو ومستشارتو البوگوصة ايفنكا كتشيد ببلادنا

ربطة ال ترامب فالمغرب زغبية. بعد نسيبو كوشنير ها مراتو وبنتو ومستشارتو البوگوصة ايفنكا كتشيد ببلادنا

كود الرباط ///

شحال المغرب وهو كيقلب على كيفاش يدخل للرئيس الامريكي دونالد ترامب. قودناها باش ميزينا على هيلاري كلينتون وقدم ليها المكتب الشريف للفوسفاط فلوس صحيحة فحملتها. دابا بدات القضية تقاد.

بعد زيارة نسيبو واقوى مستشار ديالو كوشنير لاول مرة وفطر مع الملك فرمضان وزاد ولي يهودي معروف مع ولدو بدا يتزعط فالمغرب. بعدها تلاقى كاع مع رجل الامارات القوي محمد بن زايد فالرباط وتلاقى مع وزراء خارجية عرب بخصوص ما اصبح يعرف بقضية القرن فالشرق الاوسط بخصوص حل القضية الفلسطينية.

اليوم مراتو ايفنكا ترامب دخلات فحبها للمغرب. كتبات فتويت ليها ” كنرحبو وكنحييو الحكومة المغربية على هاد الخطوة المهمة اتجاه اتخاد قرار تغيير قانون الارث، ونتطلع الى دعم المغرب في تطبيق هاد القرار.
و”Women’s Global Development and Prosperity (W-GDP)” غادي تبقى ديما كتدعم حقوق النساء، وانا شخصيا كنقدر القيادة القوية ديال الاميرة لالة جومالة”=سفيرة المغرب فواشنطن=

هاد التويت مزيان لينا خاصة بعد ما خرجات صحف امريكية ان الولايات المتحدة الامريكية ما عمرها تعتارف بشي دولة فالصحرا وكانت ضربة قوية للبوليساريو. دابا اشادة بالمغرب فامور كثيرة ومن شخصيات كتصنع القرار فواشنطن ما يمكن الا تكون ايجابية بزاف بزاف

موضوعات أخرى

03/07/2020 21:30

تفاصيل جديدة على التسمم الغذائي الجماعي لي تعرضو ليه مغاربة جاو من الخارج.. 51 تسممو و2 باقين تحت المراقبة السريرية وتشديد المراقبة على الماكلة لي كتقدم ليهم

03/07/2020 21:00

محمد الريفي اللي كان حاصل فمصر رجع لبلادو لبارح.. ومراتو لـ”كود”: حنا فأوطيل فبني ملال وتعاملو معانا مزيان وأمورنا بيخير

03/07/2020 20:20

لمواجهة العجز فإنتاج الماء.. مشروع اخرج اليوم لتقوية تزويد كرسيف بالماء الشروب: كلفته المالية وصلات لـ95 مليون درهم -تصاور