كود سبور//

توج الرجاء الرياضي بلقب كأس العرش للمرة الـ9 فالتاريخ ديالو، بعدما ربح اليوم الاثنين فالفينال ديال المسابقة الجمعية الرياضية للقوات المسلحة الملكية فأكادير.

وسالا الفينال بين الرجاء الرياضي بطل المغرب والوصيف ديالو الجمعية الرياضية للقوات المسلحة الملكية بنتيجة 2 لواحد، وكان الشوط الأول بين الفريقين خرج تعادل واحد لواحد، وماركاو النسور هما الأولين فالماتش بواسطة يسري بوزوق فالدقيقة 4، وقدرو العساكر يماركيو التعادل بواسطة أمين زحزوح فالدقيقة 28، وفالشوط الثاني قدرو الرجاء الرياضي يماركيو الهدف الثاني ديال الرباح بواسطة بولكسوت فالدقيقة 78.

وبهذه النتيجة توج الرجاء الرياضي بلقب كأس العرش للمرة الـ9 فالتاريخ ديالو وتعادل مع الغريم الوداد الرياضي، مقابل 12 لقب للجيش الملكي، والرجا بهذا اللقب ربحو الدوبلي بطولة المغرب وكأس العرش.