كود سبور//

أكد محمد رايحي لاعب الوداد الرياضي، أن الفريق الأحمر غايمشي لكأس العالم للأندية الصيف الجاي فالميريكان، باش يربح الماتشات ديالو واخا طاح ضد خصوم صعاب بحال مانشستر سيتي النگليزي، ويوفنتوس الإيطالي والعين الإماراتي.

وهضر محمد رابحي على حظوظ الوداد فكأس العالم للأندية، وقال فتصريح للموقع الرسمي للاتحاد الدولي لكرة القدم: “عارفين ريوسنا فگروب صعيب بزاف، فيه 2 من أكبر أندية أوروبا، ومعهم بطل آسيا، ولكن حنا غانمشيو لكأس العالم للأندية باش نربحو”.

وغايلعبو الوداد فالگروب 6 من كأس العالم للأندية، وعندهم الماتش الأول ضد مانشستر سيتي، والماتش الثاني ضد يوفنتوس، والماتش الثالث ضد العين.