الرئيسية > آراء > راه ماليها تا معنى تجي تقوليا ” آه حقا خايبة شكون غايتحرش بيها ” آه حقا موسطاشة شكون داها فيها و نتا عارف راسك فبلاد كاينيكو فيها الحمير و المتشردات فالزناقي
24/09/2018 13:30 آراء

راه ماليها تا معنى تجي تقوليا ” آه حقا خايبة شكون غايتحرش بيها ” آه حقا موسطاشة شكون داها فيها و نتا عارف راسك فبلاد كاينيكو فيها الحمير و المتشردات فالزناقي

راه ماليها تا معنى تجي تقوليا ” آه حقا خايبة شكون غايتحرش بيها ” آه حقا موسطاشة شكون داها فيها و نتا عارف راسك فبلاد كاينيكو فيها الحمير و المتشردات فالزناقي

سهام البارودي – كود//

شي مرات فاش كانحضر لشي احداث كانقول بيني و بين راسي بلي خاص شي دراسة سوسيولوجية يديروها الدراري لي كايوجدو الدوكتورا و اساتذة علم الاجتماع على بعض الظواهر لي كانعيشوهم حاليا.
لا زعما لا كنتي فلافاك ديال العلوم الانسانية راه كون أكيد انه ماغاديش تهرس راسك باش تلقا شي رسالة ديال الدوكتورا المجتمع المغربي كولا نهار كايفرخ ليك شي ظاهرة جديدة.

و الظاهرة لي غاندوي عليها اليوم هي ماجديداش بزاف ! بانت هادي واحد العشر سنين تقريبا مع دمقرطة الانترنيت وظهر التعبئات ديال خمسة دراهم و ووصول الفايسبوك لواحد الطبقة ديال بوزبال و ظهور الكروبات فالفايسبوك لي كانت المهمة ديالهم هي اهانة و تحقير المرأة المغربية خصوصا الحداثية المتحررة، و كانو حاطين على الفنانات خصوصا ! دوك الكروبات فين بانت كلمة ” موسطاشة” و “عنيبة “و ” تبي ” و “الطحاب” …

هاد الكروبات لي كانشوفهم انا شخصيا سباب البلا ! و لي ساهمو فتأسيس واحد الديناميكية جديدة فعلاقة المغربي بالمغربية ! زادو قودوها على المراهقين و الشباب لي كانو متبعينهم و خلاوهم يشوفو انه المغربية خايبة و موسطاشة و مزغبة بالمقارنة مع ” السويدية” و “الروسية ” لي كاينشرو تصاورها و معاها كومونطير “السويد آ خاي” ” بالدموع آ خاي” ” شوف الزين آ خاي ” …

حيت هوا سويدي ! حيت الجينات ديالو غايولدو سويدية هوا عنگو فيه لون الكارطون سارد.

و حيت علاقة المغربي بالمغربية اصلا كانت مقودة عليها و زادت قوادت عليها من خرجات المرا لسوق الشغل و بغات ضبر على راسها بشتى الوسائل و ولات تاهي باغا تحكم و تقول كلمتها ! جات هاد الكروبات و التجمعات الذكورية باش توفر الحضن الدافئ لكاع دوك المراهقين و الشباب لي قامعينهم العيالات ! لدرجة ولا الحقد المنوي هوا اصل العلاقة بين الراجل و المرا بالنسبة ليهم ! و فين ماكاين شي بعرور مامطفروش مع العيالات يا ايما لأنه خايب يا ايما لأنه حازق … كايلقا راحتو مع البعارر فحالو فدوك التجمعات !
و طبعا بالنسبة ليهم اي راجل عايش علاقة حب مع صاحبتو و لا مرتو و كايبغيها و كايعبر على حبو ليها راه “عنيبة” !

” عنيبة” و ” موسطاشة ” للكلمات لي كايتخباو موراهم المكابيت و ضعيفي الشخصية لي ماعندهمش حظوظ مع العيالات ! و فين ماكاين شي واحد قمعاتو شي وحدة كايلقا راحتو وسط هاد الكروبات لي كاتمارس دور ” علاجي” لأي مقموع باش مايحسش براسو بوحدو.

علاش جبدت هاد الهضرة و كيفاش تفكرت هاد الموضوع ؟

ردود الفعل على الشابة لي وضعات شكاية بالتحرش ! و الاستهزاء و المعيور و السبان لي شفتو اتجاهها فوسائل التواصل الاجتماعي ! ها لي جاتو خايبة ها لي خدا راسها و لصقو مع فرس النهر ! بواحد التحيمير ما بعده تحيمير!

على اساس راه لا كانت البنت خايبة راه ماغايتحرش بيها حد فالزنقة و على اساس انه المغربي انتقائي ! كايتحرش و يحوي غا التيتيز ! و المصيبة كلشي عارف  بلي نسبة كبيرة ديال المغاربة لي كايتحرشو فالزنقة راه كاينيكو المعاز و الدجاج و القطوط و الحمقات و المتشردات ! نسبة كبيرة كاتعيش فواحد الكبت عظيم لدرجة اي ثقبة بانت مايزكلوهاش.

و تجي تقوليا آ لاواه موسطاشة شكون حاشاها ليها ! آ لاواه خايبوعة شكون غايديها فيها !

حيت نتا بوكوص ! زوين ! البشرة ديالك نقية و سنانك مستفين و الفورمة مرسومة نتا حتى الشيتة د السنان ماكاتبدلهاش على ربع سنين حسب الاحصائيات.

هادشي علاش كانبغي نقول للدراري لي كايوجدو الدوكتورا فهادشي د علم الاجتماع لاكان شي واحد كايقرا هاد التهدريز لي كانكتب يتكلفو و يشوفو ليا هاد الرعاوين لي كايصحاب راسهم باكص شنو كايخليهم يشوفو راسهم هاكا و علاش ؟ و واش كاين شي علاج لهاد المرض النفسي ؟

موضوعات أخرى

23/10/2018 11:00

العشوائي في ولاية كازا سطات مبقاش مقتصر على البر ووصل إلى البحر.. شد ليا نقطع ليك في عين الدياب والسلطة دايرة عين ميكة في الصابليت والأجانب كيتفرجوا على شوهتنا العلالي- صور

23/10/2018 09:45

طلع قافز بزاف هاد اردوگان وباينة باغي ثمن سكوتو وصافي. ما گال والو على جريمة قتل خاشقجي وساوم السعودية وخلى الكورة فتيران “خادم الحرمين”