وكالات//

بعد سيمانة من ترويج الأخبار على أن النجمة اللبنانية تفارقات مع راجلها فادي الهاشم، خرج الأخير من السكات ديالو برسالة غامضة نشرها في الكونط ديالو على إنستغرام، وأشار فيها أن الطلاق مزال متوقعش رسميا، خصوصا بعدما استعمل كلمة “زوجتي” في إشارته لنانسي.

وقال في البوسط: “قراءة تعليقاتكم مهمة بزاف، وغادي نكمل نقراها من دابا للقدام”.

https://www.instagram.com/drfadielhachem/?utm_source=ig_embed&ig_rid=441ea19c-725e-4b44-99a0-42a08dbf157b

وزاد قال: “كاين 99.9% منها إيجابية، وأنا فاهم علاش. ماشي حيث كتحبوني أو كتّحبوا مراتي، ولكن حيث كتحسوا بحب كبير، وعندكم سلام داخلي وكتشوفوا الخير في الناس. نتوماكاملين رائعين.”

وزاد الهاشم وقال: “أما بالنسبة للقلة القليلة اللي كيدافعوا على لص أو مجرم، فكنشفق عليهم بصدق. هما عايشين في عالم ديال الخوف والظلام، عامر بالكراهية والإنكار. كلامهم كيعكس كيفاش كيشوفوا العالم وربما كيفاش كيعاملوا راسهم. وطلبت من النفوس الطيبة – اللي كتشكل 99.9% – أنهم ما يردوش على العداوة ديالهم، بل يظهروا تعاطف بدل ذلك”.