وكالات//

اضطرّات طيّارة ديال شركة “يونايتد إيرلاينز”، اللي كانت غادية من دالاس لشيكاغو، تهبط اضطراريا فمطار سانت لويس لامبرت الدولي، بعدما واحد الركاب قال باللي كاينة قنبلة فساك ديال مراتو.

وحسب مجلة People، الطيارة اللي كانو فيها 119 راكب وخمسة ديال أفراد الطاقم هبطات فـ 8:39 ديال الصباح بالتوقيت المحلي نهار الأحد 16 نونبر. وفرضات السلطات الأمنية على جميع الركاب ينزلو من الطيارة حتى يساليو التحقيق.

وقالت “يونايتد إيرلاينز” فتصريح باللي الطيارة تفتّشات بالكلاب المدربة على كشف المتفجرات قبل ما يسمحُو ليها تكمل الرحلة ديالها لشيكاغو، فين هبطات مع 2:50 دالعشية، ومتأخرة بحوالي خمس ساعات و33 دقيقة على الوقت الأصلي.

وأكدو بوليس سانت لويس متروبوليتان أن مكتب التحقيقات الفيدرالي (FBI) داخل فالتّحقيق، ولكن المكتب ما عطاش حتى لدابا شي تعليق رسمي.