وكالات//

وصلات عادات التباهي بالثروة في باكستان لواحد الدرجة كبيرة بزاف، وهو شي لي دارو واحد الأب في العرس ديال ولدو، ودار بيه البوز ماشي غير في باكستان ولكن في العالم كامل.

هاد السيد كرا طيارة خاصة نهار العرس ديال ولدو، وجمع صاك ديال الفلوس وبدأ كيلوحهوم على الضياف لي جاو للعرس.

على حساب مقالت بزاف ديال التقارير الصحفية فهادشي وقع في مدينة حيدر أباد في باكستان، وولا تقليد معروف بين الأغنياء ديال البلاد.

وكتبين بزاف ديال الفيديوهات لي بارطاجاوها في السوشيال ميديا ملايين الروبيات وهي كتطير في السما في الوقت للي الضيوف كيجريو باش يلقطوهوم من الأرض.