أيوب جبير  كود//

عاشو سكان مدينة المحمدية على وقع جريمة مروعة فواحد الحي سكني، بعدما راجل دخل فحالة هيجان خطيرة، شد جويجة ديال الصيد وضرب بيها مراتو ونسيبتو. الجريمة اللي وقعات خلات الساكنة فحالة صدمة كبيرة، حيث النسيبة لفظات أنفاسها فبلاصتها، بينما الزوجة تعرضات لإصابات خطيرة نقلوها على وجه السرعة للمستشفى.

وحسب مصادر محلية، المشبه فيه كان كيعاني من مشاكل عائلية، وهاذشي اللي خلاه ينفجر بهاذ الطريقة الوحشية. البوليس حضر بسرعة لمكان الحادث، وفتح تحقيق معمق باش يعرف تفاصيل هاذ الفاجعة اللي زادت منسوب الجرائم العائلية اللي ولات كترجع بشكل مخيف فالمجتمع.

هاد النوع ديال الجرائم كيزيد يطرح تساؤلات حول أسباب تفشي العنف العائلي، واللي كيتطلب حلول جذرية من طرف السلطات والمجتمع ككل باش نحدّو من هاذ الظواهر اللي ولات كتهدد السلم الاجتماعي.