الرئيسية > تبركيك > رئيس منطقة امنية فكازا عطل تحية العلم فعيد العرش بسباب الكسوة
01/08/2020 16:00 تبركيك

رئيس منطقة امنية فكازا عطل تحية العلم فعيد العرش بسباب الكسوة

رئيس منطقة امنية فكازا عطل تحية العلم فعيد العرش بسباب الكسوة

هناء أبوعلي كود ///

علمت “كود” ان موعد تحية العلم بمناسبة عيد العرش الخميس اللي فات تعطل بشي ساعة. هاد الشي وقع قدام عمالة الفداء مرس السلطان بكازا والسبب حسب مصدر “كود” هو كسوة رئيس المنطقة الأمنية لنفس العمالة.

وبحسب ما علمته “كود” فإن الموعد كان مقررا في حدود الساعة العاشرة صباحا ليتأخر بحوالي الساعة، بعدما انتقل المسؤول الأمني المذكور إلى المقر القديم للمنطقة الأمنية بحي البلدية اللي فيه الكسوة الرسمية اللي خاصو يلبسها باش يحيي العلم. باش مشى طلب من اللي كاينين تماك يهرسو السوارت باش ياخد هاديك الكسوة.

طبعا هاد الشي تعطل وخلى كلشي يتسنى حتى عامل الفداء مرس السلطان شكيب بلقايد.

مسكين ما كانش عندو الزهر. باش جاب الكسوة ما كانوش الشارات للي كتكون فيها وتسلفها من عند شي مرؤوسو. مع كورونا كلشي تالف وكلشي دايخ.

المهم الكسوة خلات المخزن كولو يتسنى فالشمش. هاد التقاليد خاص يدخل فيها بعض التعديلات. سبحان اللي ما يتلفش ولا ينسى

موضوعات أخرى