كود كازا ///

فضايح فالتعمير. تشويه للمجال. عشوائيات. هانگارات كتولد بحال الشامبينيون. هاد الشي كولو واقع حدا كازا. بالضبط فجماعة المجاطية اولاد الطالب ضواحي مديونة. رئيسها الاستقلالي امين هاشم شفيق من عائلة شقيف المعروفين بالترحال السياسي رجع هاد الجماعة لمنطقة للبناء العشوائي= شوفو التصاور=

الكارثة ان هاد التشويه للارض وللتعمير كيوقع قدام كاع السلطات وكلشي خايف منو. عامل مديونة علي سالم الشكاف اللي معروف عليه حربو باش كان فالمحمدية ضد هاد الاشكال من استغلال السلطة وخرق القانون وتشويه المجال٬ ضارب الطم وما قدرش يهدر مع ال شفيق.

دابا خاص لجنة من الرباط ماشي كازا وتكون من وزارة الداخلية باش تفتح تحقيق فهاد الجرائم فالتعمير، والا كل نهار يتولدو هانگارات جداد. كل يوم تخرج شوهة جديدة