الرئيسية > كود سبور > رئيس جامعة العاب القوى اللي طلب البقالي يشارك ف1500: النجاح نجحتي وهادي مناسبة تأكد على انك محارب
02/08/2021 19:00 كود سبور

رئيس جامعة العاب القوى اللي طلب البقالي يشارك ف1500: النجاح نجحتي وهادي مناسبة تأكد على انك محارب

رئيس جامعة العاب القوى اللي طلب البقالي يشارك ف1500: النجاح نجحتي وهادي مناسبة تأكد على انك محارب

كود الرباط ////

علمت “كود” من مصادر من جامعة العاب القوى اللي مع الوفد المغربي اللي كاين فطوكيو ان رئيس الجامعة عبد السلام احيزون هو اللي قنع البطل سفيان البقالي للي دا الميدالية الذهبية اليوم فمسافة 3000 متر حواجز باش يشارك فمسابقة 1500 اللي غادية تبدا فيها الاقصائيات.

وحسب مصدر “كود” من طوكيو فان احيزون اللي كان معاه على اتصال من الاعداد لهاد الالعاب الاولمبية عاود اتصل بيه اليوم باش يبارك ليه ويقول ليه بللي النجاح راه نجحتي فيه باش ربحتي هاد الميدالية وباللي مشاركتك ف1500 متر غادية تكون مناسبة تأكد فيها على انك محارب.

البقالي من الجيل الجديد لعدائي المغرب من 2016 وهو فاكاديمية ايفران لالعاب القوى ومعهد الرباط عندو مدرب ديالو.

دابا داخل تجربة غير مسبوقة. الكروج كان دا 1500 و5000 ولكن هادا داير تخصص صعيب بزاف بزاف اللي هو 3 الاف متر حواجز وكسر الهيمنة الكينية وباغي يجرب مسافة 1500. غير يجرب هاد الشي راه بطل كبير اما ايلى تاهل للفينال وكان من 3 اللولين فهادي قصة اخرى. غادي يدخل للتاريخ بصاح.

موضوعات أخرى

23/09/2021 22:21

عاجل.. سالا الكلام: عمدة الرباط داتها اسماء اغلالو والاجتماع فدارها باقي مسالاش بحضور الطالبي وأوزين وها كيفاش كولشي تحسم