كود علي الصافي العيون ///

شكر رئيس الحكومة الاسبانية بيدرو سانشيت قبل قليل من بروكسيل الاتحاد الاوربي على دعمو لبلادو. وقال فتصريح صحافي “سبتة عانات من موجة مكثفة من مهاجرين جاو من المغرب. هاد الشي عطا ازمة غير مسبوقة فالسنوات الاخيرة بين الاتحاد الاوربي والمغرب”.

واضاف “بغيت نشكر التضامن والرد المناسب لجميع المؤسسات الاوربية. كلهم كانو مع اسبانيا: المجلس الاوربي والمفوضية الاوربية والبرلمان الاوربي…. وجميع مؤسسات هذا الاتحاد بالاضافة الى دعم عدد من دول الاتحاد اللي علنات على تضامنها مع اسبانيا باش شافت هاد الوصول المكثف للمهاجرين لحدود اوربية للي هي سبتة”.

سانشيث قال ان بلادو عاشت وكتعيش محنة واكد ان هاد التحدي ما كيهمش غير الصبليون بل كاع دول الاتحاد. كما اثار علاقة الجوار او حسن الجوار. بالنسبة اليه باش يكون هاد الجوار مبني على الصح بين دولة من دول الاتحاد الاوربي بحال اسبانيا مع دولة بحال المغرب خاصها جوجت الشروط:  الثقة اولا والاحترام ثانيا، احترام حدود الدول فهاد الحالة حدود سبتة او حدود اسبانيا مع المغرب

وذكر الرباط باللي ما كاين احسن واقوى حليف ليه فالاتحاد الاوربي باش يدافع على مصالحو الاستراتيجية بحال بلادو اسبانيا
المسؤول الاسباني قال باللي بلادو باغية دير “علاقات بزاف بناءة”٬ لكن هاد الشي ربطو “كيف قلت فالسابق٬ خاصو يتبنى على: الثقة والاحترام. احترام الحدود”.