كود سبور//

من بين الخيارات المطروحة حاليا فالسنغال هي يطلبو السنغاليين ترحيل الـ18 مشاغب سنغالي اللي تحكم عليهم بالحبس فالرباط بعد احداث الشغب اللي داروها ففينال كاس افريقيا بين المنتخب المغربي والسنغالي، من المغرب للسنغال يكملو العقوبة السجنية ديالهم.

ووضح رئيس الوزراء السنغالي عصمان سونكو امام البرلمان السنغالي فجواب له على وضعية المشاغبين السنغاليين اللي تحكم عليهم فالرباط بين 3 اشهر وعام، وقال: “درت جهدي كلو وهذا الشي راه ما كايزينش علاقاتنا”.

رئيس الوزراء السنغالي قال انه توجهت تعليمات إلى وزير العدل السنغالي باش يتبع القضية ديال هاد السنغاليين، وقال انه كاين خيار ديال عفو المغرب عليهم او نقلهم للسنغال يكملو عقوبتهم السجنية.