الرئيسية > آش واقع > رئيس الوزراء السابق مانويل فالس على عزيز اخنوش: غادي يكون عندنا كل شيء لنكسبه الى قاد حكومة المغرب خبير استراتيجي ورجل أعمال موديرن قادر يواجه تحديات المغرب
05/09/2021 13:30 آش واقع

رئيس الوزراء السابق مانويل فالس على عزيز اخنوش: غادي يكون عندنا كل شيء لنكسبه الى قاد حكومة المغرب خبير استراتيجي ورجل أعمال موديرن قادر يواجه تحديات المغرب

رئيس الوزراء السابق مانويل فالس على عزيز اخنوش: غادي يكون عندنا كل شيء لنكسبه الى قاد حكومة المغرب خبير استراتيجي ورجل أعمال موديرن قادر يواجه تحديات المغرب

كود – عن Le Journal Du Dimanche//

مانويل فالس رئيس الوزراء الفرنسي السابق نشر مقال فالجريدة الفرنسية “le journal du dimanche” قال فيه ان انتخابات 8 شتنبر ف المغرب غادي تكون مهمة بزاف لأوروبا وإفريقيا.

وقال فالس، فمقالو انه كاين سبب واحد على الاقل للأمل ف العالم العربي الإسلامي، وهو الانتخابات التشريعية والبلدية والجهوية اللي غادي دار ف المغرب. والإسلاميين من حزب العدالة والتنمية، اللي قادو الحكومة جوج مرات، يقدرو يخسرو الانتخابات، وغايبدا المغرب صفحة جديدة ف تاريخو السياسي بعد الربيع العربي. واضاف فالس أن أوروبا وفرنسا، محتاجين لمغرب مستقر وفيه الديمقراطية ماشي بحال جيرانو المغاربيين.

وزاد فالس ان انتخابات الغرف المهنية اللي دارت ف 6 غشت 2021 عرفات فوز التجمع الوطني للأحرار. والمراقبين السياسيين كيشوفو ان هاد الربح يقدر يكون نجاح لحزب الحمامة ف 8 شتنبر.

وهضر مانويل فالس على عزيز أخنوش الامين العام لحزب التجمع الوطني للاحرار ووزير الفلاحة من أكتوبر 2007 ، وقال انه نفذ خطة “المغرب الأخضر” اللي دارها الملك  محمد السادس ف 2008. واكد ان الخطة عرفات نجاح حقيقي.

وختم فالس مقالو بالقول: “غادي يكون عندنا كل شيء لنكسبه الى قاد حكومة المغرب خبير استراتيجي، ورجل أعمال موديرن، عندو رؤية اقتصادية واجتماعية حقيقية، وقادر يواجه تحديات المغرب”.

https://www.lejdd.fr/International/tribune-manuel-valls-la-france-a-besoin-dun-maroc-stable-4064971

موضوعات أخرى

16/09/2021 17:00

لن نفرط في الجيل المؤسس للعدالة والتنمية! رغم تقدم بنكيران في السن فإنه لا يزال هدافا للفريق. وحاسما أمام المرمى. والأكثر شبابا وجاهزية مقارنة بكل لاعبي الحزب

16/09/2021 16:00

وافين بوريطة؟. دول فـ أمريكا الجنوبية رجعات كتعتارف بالبوليساريو.. من بعد الپيرو جات بوليفيا والخارجية عندنا مزال راكَدة