وكالات//

علن رئيس تشيلي غابرييل بوريتش، فواحد الستاتو على فيسبوك، أنه سالا العلاقة ديالو مع صاحبتو إيرينا كارامانوس، بعد 5 سنين من العشرة بيناتهم.

بوريتش (37 عاماً)، ولي هو أصغر رئيس في أمريكا اللاتينية، قال أنه سالا هاد العلاقة بسباب أنهم مبقاوش متافقين على كيفاش غادي يدبرو العلاقة ديالهم.

ونفى الرئيس كل الإشاعات لي كانت كتهضر على الخيانة سوا منو سوا منها هي.

وكتب الرئيس كيقول: “كاع الناس لي كيراهنو على هاد الإشاعات، كنقولو ليهم غير تهناو راه لا أنا ولا هي تصاحب مع شي واحد آخر”.

وكيقول كذلك، أنه كان كيتوقع هاد الإشاعات، وكانو في الأول كيفضلو أنهم يخبيوها على الناس ولكن بان ليهم من بعد أنهم يوضحو الأمور للعالم.

إيرينا كارامانوس، هي باحثة في العلوم الاجتماعية وعندها في عمرها 34 عاماً، وعلنو أنهم مصاحبين رسميا قبل الانتخابات في ديسمبر من عام 2022.