گود سبور//

قال رئيس السنغال باسيرو ديوماي فايي، إنه طلب العفو الملكي للمشجعين الـ18 السنغاليين تشدو متلبسين فالشغب اللي داروه ففينال كأس إفريقيا 2025، يوم 18 يناير 2026 فتيران مولاي عبد الله بالرباط، واللي تحكم عليهم من 3 د الحبس حتى لعام، وراه خرجو منهم ثلاثة.

وخلال حوار دارو مع وسائل إعلام سنغالية، نقلت جريدة “سينيگو” السنغالية تصريحات الرئيس السنغالي باسيرو، واللي قال أنه تواصل شخصيا مع الملك محمد السادس، مشيدا بالتنظيم ديال كأس إفريقيا وطلب العفو الملكي على السنغاليين المشدودين.

الرئيس السنغالي أكد على متانة العلاقة بين دكار والرباط، ومازال طامع باش السنغاليين اللي مشدودين يخرجو من الحبس قبل الوقت.