الرئيسية > آش واقع > رئيس الجامعة الدولية فتصريح لـ”كود”: حتى واحد ما تقاس ب”كورونا” عندنا والطالب عندو نزلة برد عادية
26/02/2020 18:45 آش واقع

رئيس الجامعة الدولية فتصريح لـ”كود”: حتى واحد ما تقاس ب”كورونا” عندنا والطالب عندو نزلة برد عادية

رئيس الجامعة الدولية فتصريح لـ”كود”: حتى واحد ما تقاس ب”كورونا” عندنا والطالب عندو نزلة برد عادية

عفراء علوي محمدي- كود//

قال نور الدين مؤدب، رئيس الجامعة الدولية بالرباط، بللي الأخبار اللي كتروج بخصوص إصابة طالب فالجامعة بفيروس “كورونا”، عارية من الصحة.

وزاد مؤدب كيقول، فاتصال هاتفي مع “كود”، بللي مكاين حتى حاجة من هذشي اللي كيروج “والسلطات دابا غادي تخرج بلاغ بهذ الصدد، والله يهدي الصحافة والله يهدي هذ الناس”، على حد تعبيرو.

ووضح مؤدب بللي الطالب المعني بالأمر كان فأمريكا وماشي فالطاليان كيف كيقولوا، وبللي تم الفحص ديالو بشكل عادي، وترسلات التحليلات لINH، وخرجو النتائج سلبية، بمعنى أن الطالب عندو فقط نزلة برد عادية.

وقال مؤدب بللي هذ الخبر خلع الطلبة فالجامعة، وكذلك العائلات ديالهم اللي تهولو بزاف.

وللإشارة فمواقع إلكترونية عديدة نشرات قبل قليل خبر إصابة طالب بالجامعة الدولية بفيروس “كورونا”، وتحديدا ف”تيكنوبوليس” بسلا، وبللي تم إخضاعو للحجر الصحي.

موضوعات أخرى

06/04/2020 14:00

وحدة من الحالات المستبعد إصابتها بكورونا عاودات لـ”كود” كيفاش دارت التحليلة وكيفاش تعاملو معاها فالصبيطار: دخلو لي فنيفي عود فيه 10 سنتيم حتى بكيت.. وبصراحة الطاقم الطبي دار خدمتو على أكمل وجه

06/04/2020 13:46

الكورة فزمن كورونا.. السلامي: 10 ايام ما خرجت وبدينا لونتريمو الجماعي عبر تطبيق التواصل الافتراضي وكل واحد فالطاقم التقني مكلف بمجموعة – فيديو

06/04/2020 13:05

المغاربة باقي فيهم الخير في زمن جايحة كورونا.. فندق لافولوك بالهرهورة يستقبل يوميا حالات مشتبه بها.. ومستشفى سيدي لحسن بتمارة غدا يتفتح من جديد لاستقبال المرضى