كود سبور//

قدم رئيس الاتحاد الفرنسي لكرة القدم نويل لوكريت الاعتذار من أسطورة كرة القدم الفرنسية زين الدين زيدان، من بعدما خرج بتصريح مهين فحقو البارح الأحد.

وحسب ما نقلاتو هذا الصباح RMC الفرنسية، اللي هي فين خرج رئيس الاتحاد الفرنسي ووجه إهانات لزيدان، فنفس المسؤول الفرنسي خرج من جديد ولكن هاد المرة باش يقدم اعتذار لزين الدين زيدان، واللي وصفها بالحمقاء والغبية وكان سوء فالفهم ديالها.

ولقات تصريحات رئيس الاتحاد الفرنسي لكرة القدم فحق زين الدين زيدان، إدانة كبيرة من عشاق كرة القدم فالعالم وفمقدمتهم النجم الفرنسي كيليان مبابي ونادي ريال مدريد الإسباني.

وفتصريح له على RMC الفرنسية البارح كان رئيس الاتحاد الفرنسي نويل لوكريت قال عن إمكانية تدريب زين الدين زيدان لمنتخب البرازيل: “يدير اللي بغا ما عنديش اهتمام بهادشي، وما تكلمتش معه باش يدرب فرنسا، وحنا كاعما فكرنا نحيدو المدرب ديشون”.