كود سبور//
دخل الدولي الفرنسي كيليان مبابي طول وعرض فرئيس الاتحاد الفرنسي لكرة القدم نويل لوكريت، حيث عبر على عدم اهتمامو بمستقبل الأسطورة زين الدين زيدان اللي كان مرشح يدرب منتخب فرنسا، ولكن ما وقعش هادشي حيث تم الإبقاء على المدرب الحالي ديديي ديشان.
وفتصريح له على RMC الفرنسية قال رئيس الاتحاد الفرنسي عن إمكانية تدريب زين الدين زيدان لمنتخب البرازيل: “يدير اللي بغا ما عنديش اهتمام بهادشي، وما تكلمتش معه باش يدرب فرنسا، وحنا كاعما فكرنا نحيدو المدرب ديشون”.
كيليان مبابي تفاعل فالبلاصة ودافع على زين الدين زيدان، وجاوب رئيس اتحاد فرنسا لكرة القدم وقال فتويتر: “زيدان راه هو فرنسا، وما خاصناش نقللو الاحترام لأسطورة بهاد القيمة”.
