كود سبور//

دخلت رئيسة تنزانيا سامية سولوهو حسن على خط فينال كاس الكونفدرالية الأفريقية بين فريق بلادها سيمبا التنزاني وممثل المغرب نهضة بركان، وقررت دير لهم بريم مگمح مقابل يربحو النهائي.

وحسب جريدة “سيتيزن” خصصت رئيسة تنزانيا سامية حسن، بريم القيمة ديالو 30 مليون شلن تنزاني، اي ما يعادل 10 مليون سنتيم مغربي، مقابل انهم يربحو نهضة بركان فالفينال ويديو لكاس، وهذا الشي اكدو الناطق الرسمي للحكومة التنزانية للجريدة المذكورة.

وغايلعبو نهضة بركان ضد سيمبا التنزاني ذهاب كأس الكونفدرالية الأفريقية يوم 17 ماي الجاري فبركان، والروتور غايكون فدار السلام بتنزانيا يوم 25 من نفس الشهر، مع العلم ان بركان مرشح بنسبة كبيرة للتتويج باللقب حيث مسيطر فالسنوات الماضية على المسابقة، بالمقابل سيمبا اول مرة غايلعبو الفينال.