كود سبور//

اكدت رئيسة المكسيك كلاوديا شينباوم، ان بلادها غادي تنظم كاس العالم 2026، مع الميريكان والمكسيك وهذا الشي واخا الاحداث اللي كاتعرفها المكسيك من روينة ومعارك فعدد من أنحاء البلاد قبل 3 اشهر من البطولة، ومنها گوادالاخارا اللي غادي يتلعبو فيها ماتشات المونديال.

وطمنت كلاوديا شينباوم فمؤتمر لها اليوم الثلاثاء، وقالت انه ما كاين حتى شي خطر على المشجعين اللي غاديين يجيو يتفرجو فكاس العالم فشهر يونيو الجاي، وان السلطات ضابطين الأمور لحماية الزوار.

وعرفت المسكيك وبالضبط گوادالاخارا اللي غادي يتلعبو فيها 4 الماتشات من مونديال 2026، احداث عنف قوية فيها حرائق وانفجارات فمناطق حساسة، وهذا الشي حيث تقتل زعيم عصابات المخدرات المعروف باسم “إل مينتشو” فواحد العملية عسكرية.