الرئيسية > الزين والحداكة > ذكرى. أول محامية مغربية عاونات أكثر من 20 ألف يهودي وعتقاتهم من هتلر 
07/12/2021 21:00 الزين والحداكة

ذكرى. أول محامية مغربية عاونات أكثر من 20 ألف يهودي وعتقاتهم من هتلر 

ذكرى. أول محامية مغربية عاونات أكثر من 20 ألف يهودي وعتقاتهم من هتلر 

كريم الشركي – كود //

نشرت وكالة “إيفي” (EFE) الإسبانية، تقريرا على أول محامية مغربية، واللي كانت ساهمات فإنقاذ عشرات الآلاف من اليهود، كتقول الإحصائيات أنهم أكثر من 20 ألف يهودي، وكاين إحصائيات أخرى كتقول أنهم وصلو لـ50 ألف يهودي هربو من جحيم هتلر.

المحامية “هيلين كَزيز بن عطار” (Hélène Cazès-Benatar)، المولودة فطنجة سنة 1898، من أبوين يهوديين مغربيين، مشات قرات ففرنسا ورجعات تسجلات فالمحاماة، وبذلك كانت أول مغربية محامية.

هيلين كانت ناشطة فمجال حقوق الانسان، وملي كانو اليهود هاربين من أوروبا و بلدان شمال إفريقيا، قدرات تساعدهم فالمغرب اللي كان محطة عبور لليهود، خصوصا اللي كانو ماشيين للولايات المتحدة الأمريكية.

“إيفي” اعتابرات أنها بطلة منسية، وافتتحت التقرير بالقول :” في الحرب العالمية الثانية، تدفق نهر من اللاجئين عبر الدار البيضاء (المغرب) هاربين من النازية، وصل اليهود والمنفيون السياسيون والجنود السابقون الذين أطاح بهم هتلر، على متن قوارب وقطارات بهدف السفر إلى الولايات المتحدة.. فر الكثيرون من هؤلاء على يدي هذه المرأة، محامية يهودية مغربية منسية الآن قررت عدم السماح لهم بالنوم في الشارع أو الموت.”

هاد البطلة المغربية هيلين بن عطار ماتت على 80 عام، فـ1979 فالعاصمة الفرنسية باريس.

https://www.swissinfo.ch/spa/marruecos-jud%C3%ADos_la-marroqu%C3%AD-olvidada-que-ayud%C3%B3-a-miles-de-jud%C3%ADos-huidos-de-los-nazis/47171202

موضوعات أخرى

19/01/2022 22:00

المغربي اللي ربح جائزة “نازا” لتطبيقات الفضاء: استافدنا من المبادرات اللي تدارت لمحاربة النفايات البلاستيكية ودبا خدامين على تطوير مشروعنا فهاد الضومين