كود – وكالات//

رسالة عسكرية مشفرة من عهد نابليون بونابرت بقات 217 عام بلا ما يقدر الباحثون يفكوها كاملة، حتى جا الذكاء الاصطناعي وقدر يحلها ف 6 سوايع.

الرسالة كترجع لعام 1809، وتكتبات بأوامر نابليون وكانت موجهة للجنرال الفرنسي أوجوست دو مارمون ,وماشي نابليون اللي كتبها بيديه، وإنما خرجات من مقر قيادة أوجين دو بوهارنيه، نائب ملك إيطاليا، وكانت فيها تعليمات عسكرية مشفرة.

النموذج حلل صورة الوثيقة، اللي فيها 175 رمز مرسوم باليد، وحدد الرموز المتكررة، ومن بعد حلل طريقة التشفير وكتب الأكواد اللي محتاجها باش يوصل للنص الأصلي، قبل ما يقارن النتيجة مع المعطيات التاريخية.

النص المفكوك كشف معلومات على مواقع القوات الفرنسية والبافارية والبولندية، وكشف أن جيش فريولي كان فيه  80 ألف جندي، مع تحذير من هجوم نمساوي كان كيتحضّر فداك الوقت.

وبالاعتماد على أسماء الضباط ومواقع الوحدات وأعداد الجنود، قدر تشيرش يرجح أن الرسالة تكتبات فآخر مارس 1809، يعني قبل جوج سيمانات من الهجوم النمساوي.