گود سبور//

غاب الدولي المغربي نايف أگرد على الفريق ديالو أولمبيك مارسليا الفرنسي البارح الاحد ضد باريس سان جرمان ضمن منافسات بطولة فرنسا، بشكل مفاجئ، وهو الماتش اللي خسروه مارسليا بنتيجة 5-0.

الطالياني روبيرتو دي زيربي مدرب أولمبيك مارسيليا، وبعد هذه الخسارة الثقيلة خرج كايتشكى من الغيابات اللي عندو، وخصوصا فالدفاع وقال إن نايف أگرد كان مريض وداكشي علاش ما قدرش يلعب ضد باريس سان جرمان.

نايف أگرد سناو معه أولمبيك مارسيليا فالميركاتو الصيفي اللي فات لتقوية دفاعهم، وملي كايغيب جمهور الفريق كايحط يديه على گلبو.

وللإشارة فباريس سان جرمان حتى هما غاب عليهم الظهير الأيمن المغربي اشرف حكيمي، حيث توقف بسبب الطرد فالماتش اللي فات، إضافة إلى أن الإسباني لويس انريكي مدرب PSG باغي يخليه يرتاح بعد كاس إفريقيا وحيث كان موعت قبل من الكان.