گود سبور//

اكد عيسى ديوب مدافع المنتخب الوطني المغربي، انه غادي يلعب اول مرة فجنوب افريقيا، ولكن هذا الشي ما غاديش يحبسو على تحقيق الرباح مع المنتخب الوطني المغربي ضد ليسوتو غدا الثلاثاء ضمن الجولة الثانية من اقصائيات كاس إفريقيا 2027.

اليوم الاثنين وخلال الندوة الصحافية اللي كاتسبق ماتش المغرب وليسوتو فجنوب افريقيا، هضر عيسى ديوب وقال: “غادي نلعب اول مرة فجنوب افريقيا وهذا تحدي ليا حيث الماتشات برا البلاد كايكونو معقدين”. وكمل المدافع المغربي واكد: “عندنا طاقم تقني اللي معاونينا باش نتأضبطاو هنا وما عندنا حتى عذر من غير نربحو ليسوتو”.

وباغي المنتخب المغربي لاعبين وطاقم تقني بقادم المدرب محمد وهبي يرجعو بالرباح من جنوب إفريقيا على منتخب ليسوتو لتعزيز صدارتهم للمجموعة الاولى من الإقصائيات، بعدما ربحو منتخب الگابون فالجولة الاولى.