وكالات//

حكمات واحد المحكمة على شركة “كانال” لي تابعة للنجم الميريكاني المعروف روبرت دي نيرو باش يخلص 1.2 مليون دولار لموظفة سابقة عندها، بعدما اتهماتها بالتمييز الجنسي والتنمر.

على حساب ماقال موقع “بي بي سي” البريطاني، فهاد الحكم دا بعد واحد الحرب قانونية كانت بين هاد السيدة لي كانت مساعدة ديال دي نيرو ولي سميتها غراهام تشيس روبنسون النجم الميريكاني، ولي تزادت شعلات فيها العافية بعدما قدمات الاستقالة ديالها.

كانت روبنسون رفعات دعوى قضائية، طالبت فيها شركة دي نيرو باش تدفع 12 مليون دولار، بتهمة أنها تعرضات للإساءة والإهانة، وكانت كتاخذ صالير طايح بزاف.