گود سبور//

تعرض الدولي الفرنسي عثمان ديمبيلي لاعب باريس سان جرمان الفرنسي، لاصابة قوية غاتخليه ما يلعبش لمدة.

وأعلن باريس سان جرمان، مساء السبت، أن عثمان ديمبيلي، خرج موعت من ماتش فرنسا واوكرانيا الجمعة، وعندو اصابة صعيبة فالفخذ ديالو، وانه من المتوقع ما يلعبش حوالي 6 سيمانات.

باريس سان جرمان اكد غياب حتى اللاعب ديالو الفرنسي الاخر ديزيري دوي على الفريق حيث حتى هو توعت فماتش فرنسا ضد أوكرانيا، وغايگلس 4 السيمانات.

للإشارة فاللاعبين الفرنسيين بجوج راه منافسين على الكورة الذهبية مع النجم المغربي اشرف حكيمي صاحبهم فباريس سان جرمان، مع العلم ان موعد الإعلان عن المتوج بالجائزة هو يوم 22 شتنبر 2025.