كود سبور//

كيف ديما، تألق الدولي المغربي أشرف حكيمي نجم باريس سان جرمان الفرنسي، وتختار مع أحسن تشكيلة لربع نهائي كاس العالم للأندية 2024.

وبعدما تألق فماتش باريس سان جرمان ضد بايرن موينخ الألماني، البارح السبت فربع نهائي مونديال الأندية، أعلنت قناة “DAZN” ملكة حقوق كاس العالم، عن اختيار الاتحاد الدولي لكرة القدم أشرف حكيمي مع أحسن تشكيلة لربع النهائي.

وتألق أشرف حكيمي ضد بايرن موينخ، وسالا هذا الماتش بمنح تمريرة الهدف الثاني لصاحبو فباريس سان جرمان عثمان ديمبيلي، بعدما تلاعب وقلب دفاع الفريق الألماني، مع العلم أن ديمبيلي ما كاينش فأحسن تشكيلة، فالوقت اللي هادي هي ثالث مرة كايتختار حكيمي فأحسن تشكيلة بعد دور المجموعات وثمن النهائي.

وينافس أشرف حكيمي على الكرة الذهبية ديال فرانس فوتبال لأحسن لاعب فالعالم، فالوقت اللي خرج ناصر الخليفي رئيس باريس سان جرمان بتصريح فيه الفرزيات، قاله فيه إن عثمان ديمبيلي هو اللي يستاهل الجائزة، مع العلم أن مستوى اللاعب الفرنسي ما شي مستقر، مقابل مستوى صطابل للنجم المغربي.