كود سبور//

غايرجع الدولي الفرنسي كيليان مبابي نجم ريال مدريد لتعزيز صفوف منتخب فرنسا، خلال المرحلة المقبلة وهذا الشي بعدما غاب عليه لمدة.

وخلال حوار له مع جريدة “ليكيب” الفرنسية، أكد الناخب الفرنسي ديدي ديشان، أن كيليان مبابي غايكون مع المنتخب الفرنسي خلال التوقف الدولي المقبل فشهر مارس الجاي، وأنه هو الكابيتان ديال المنتخب وما كاين حتى شي سبب يخليه ما يعيطش له دابا، وأنه رجع الإمكانيات ديالو.

وغايلعب المنتخب الفرنسي ضد منتخب كرواتيا، ضمن ربع نهائي دوري الأمم الأوروبية يوم 20 ويوم 23 مارس المقبل، مع العلم أن مبابي غاب على منتخب فرنسا من الصيف الماضي، وسط جدل كبير وتضارب الأخبار حول سبب الاستبعاد ديالو واش قرار من ديدي ديشان وبالفعل عندو مشكل مع اللاعب أو أن الأخير بالفعل ما واجدش باش يلعب.