وكالات//

أكد النجم الميريكاني دينزل واشنطن أنه ما كيعتبرش راسو “ممثل هوليوودي”، وشرح أن المسرح هو المجال الحقيقي ديالو.

هادشي قالو فمقابلة مع برنامج “صنداي مورنينغ” على قناة “سي بي إس نيوز”، من بعد ما تكلم على الدور الجديد ديالو فمسرحية “عطيل” ديال شكسبير، لي كاينة دابا على مسرح برودواي.

دينزل واشنطن، اللي عندو 70 عام، وضح الفكرة ديالو وقال: “شنو هو تعريف ممثل هوليوود؟ أنا من ماونت فيرنون، يعني أنا ممثل من ماونت فيرنون”، على حد تعبيرو.

وزاد وقال: “أنا ممثل مسرحي كتمثل فالأفلام، ماشي العكس. بديت وتعلمت التمثيل على المسرح، فين الأداء كلو فإيد الممثل، عكس الأفلام لي كتكون تشكلتها رؤية المخرج”.

المسرحية لي بدات تعرض فـ23 مارس، كانت فيها مشاركة ديال جيك جيلينهال فدور “ياغو”، وهي أول مرة كتنعرض فيها “عطيل” على مسرح برودواي من أكثر من 40 عام. آخر مرة كانت فـ1982، وكانوا كيمثلو فيها جيمس إيرل جونز وكريستوفر بلامر.