الرئيسية > آراء > ديرو خدمتكم ألمسؤولين على تسيير كازا.. راه فضيحة حتى لدابا وأكبر مدن المغرب لي فيها أعلى حركة سفر ما فيهاش محطة بمواصفات عالمية بحال لي ولات دابا فالرباط
30/11/2022 14:06 آراء

ديرو خدمتكم ألمسؤولين على تسيير كازا.. راه فضيحة حتى لدابا وأكبر مدن المغرب لي فيها أعلى حركة سفر ما فيهاش محطة بمواصفات عالمية بحال لي ولات دابا فالرباط

ديرو خدمتكم ألمسؤولين على تسيير كازا.. راه فضيحة حتى لدابا وأكبر مدن المغرب لي فيها أعلى حركة سفر ما فيهاش محطة بمواصفات عالمية بحال لي ولات دابا فالرباط

أنس العمري -كود//

ولبارح كان فالرباط حدث مهم. هاد الحدث هو النشاط الملكي، الذي أشرف فيه سيدنا على تدشين المحطة الطرقية الجديدة للرباط، وهو مشروع يهيكل المدخل الجنوبي للمدينة، ويساهم في تحديث قطاع النقل بين المدن على مستوى عاصمة المملكة، وكذا تعزيز إشعاع صورة العاصمة الإدارية وتعزيز جاذبيتها.

المنشأة تشيدات وفق مواصفات عالمية لضمان راحة المسافرين وتلبية احتياجاتهم، إذ أنها كتيح مجموعة من التسهيلات والخدمات، بتوفرها 46 رصيفا لحافلات نقل المسافرين وموقفا لركن الحافلات لمدة طويلة (22 مكان)، في مقابل 38 رصيفا بالمحطة الطرقية القديمة “القامرة” لي مكاينش لي معندوش معاها ذكريات سيئة وما تصدمش من لحالة المكرفسة لي كانت عليها.

وهي مشاهد مكرهش حتى سكان والمسافرين من كازا والقادمين إليها يتفكو منها، بتشييد مشروع مماثل يهنيهم من تكرفيس محطة ولاد زيان.

فالمدينة الغول محتاجة لخطوة بهاد الأثر، خصوصا وأن حركة السفر فيها مكتوقفش وكتكون بكثافة كبيرة فالمناسبات، ناهيك على أن المحطة الحالية كتعطي صورة سلبية على الوجهة المالية للمملكة.

ما يمكنش، والمدينة تسير فطريق التحول إلى منصة لانطلاق أنشطة وعمليات المجموعة نحو البلدان الإفريقية مستفيدة من الموقع الاستراتيجي للقطب المالي، تبقى أول صورة تعطى للمسافر عنها هي تلك المظاهر والحالة لي عليها المحطة.

راه بناية بهاد المواصفات، فظل الطموح الكبير لتحافظ البيضاء على ريادة إفريقيا وشرق أوسطيا، كأكبر مركز مالي، ما خاصش يبقى ليها وجود.

المدينة، بدورها، من المفروض والحتمي والمنطقي تكون عندها حاليا واجهة سفر بحال هادي كتعزز جاذبيتها ماشي غدا. واجهة بهندسة معمارية تكون واعرة ومتفردة كتخلي الزائر يحس لحظة وصوله أنه فحضرة عاصمة اقتصادية نيت عصرية تتبنى الخدمات الذكية وتدعم الأصالة، وتتطلع إلى جذب أكبر قدر من الاستثمارات الأجنبية.

الكرة فيد الساهرين على تسيير شؤون العاصمة الاقتصادية. خاصهم يتحركو فهاد الاتجاه، ويدفعو فمسار رؤية مشاريع مهمة بحالي هادي النور.. راه مسؤوليتهم هادي، ماشي تكلفوا بمهام باش بقاو ساديين عليهم فبيراوتهم ويحضرو غير اللقاءات لكلاس.. خرجو شوفو آش خاص المدينة وتحركو، كيف ما شفنا فالرباط، وسهروا على تنزيل مشاريع بهذا الحجم فالمدينة المليونية.

راه هاد الحال الواقف فكازا حاليا، على مستوى إحداث مثل هكذا مشاريع، ما هو إلا دليل آخر على عجزكم وفشلكم فتدبير هاد المدينة، لي فحاجة إلى أشخاص بكاريزما قوية، كيف كنشوفو عدد منهم فبعض الجهات، لقيادة ثورة الإصلاح والبناء.. وليست عينة تظهر وكأنها خارج السياق المغربي وخارج الزمن الملكي.. راه فضيحة حتى لدابا وأكبر مدينة فالمملكة مافيهاش محطة بحال هادي.. ديرو خدمتكم.

موضوعات أخرى

02/02/2023 09:21

المغرب كيخطط  يشري 100 قطار ف 10 سنين لي جاية وغادي يتسلم أول واحد من الجيل الجديد ف لخر ديال 2025

02/02/2023 09:00

بعد زيارة سانشيث للرباط والقمة المغربية – الإسبانية. زيارة مرتقبة لرئيس الحكومة المحلية لجزر الكناري للمغرب

02/02/2023 09:00

كيفاش كتغسل البوليساريو الاموال وكيفاش كتمول الارهاب واش علاقتها بحزب الله. دي فيلت الالمانية الشهيرة فرشات كلشي: اللي بغى يحول لفلوس لتندوف ويرسلها لحزب الله فالمانيا خاصو يدوز على البوليساريو

02/02/2023 08:33

عدم استقبال سانشيث من قبل سيدنا. وزراء: راه خارج المغرب وصحف ومعارضة: اهانة وضربة لحكومتو

02/02/2023 08:00

جدارمية بني ملال لقاو باطوار كونتر بوند دگزار معروف وفيه لحم و2 بكْرات مراض ودابا يالله تشدو 5

02/02/2023 07:00

بانيين فوق أرض في ملكهم ومسجلة ومحفظة.. سلطات بوسكورة هدمات منازل بأولاد بنور عمر المصالحة بدوار «دكالة» والسكان حسو بالحكرة وكيطالبو بحقهم (تصاور +فيديو)

02/02/2023 06:00

نجمة بلاي بوي باميلا أندرسون: كنتعصب ملي بنادم كيشوف فيا غير البزازل وكينساوني كبنادم