كود سبور//

تحدد بشكل رسميا المكان اللي غيتلعب فيه ديربي نصف نهائي كأس العرش بين الرجاء والوداد الرياضيين، وكيف ما ذكر موقع “كود” فخبر سابق ما غيتلعبش خارج مدينة الدار البيضاء.

وقررت الجامعة الملكية المغربية لكرة القدم إجراء ديربي دومي فينال كأس العرش بين الرجاء والوداد فتيران مركب محمد الخامس بالدار البيضاء، وحددت موعد الماتش يوم 9 يوليوز الجاي مع 5 لعشية.

أما بخصوص الدومي فينال الثاني بين الفتح الرياضي ونهضة بركان حامل اللقب، فتقرر حتى هو يتلعب يوم 9 يوليوز حتى 9 ونصف الليل، وغيكون فالتيران الكبير د مدينة فاس.