وكالات//
في آخر تطورات ملف الرابور الميريكاني شون ديدي كمبس، رفض القاضي الطلب ديالو بأنه يخرج من الحبس بكفالة.
على حساب ما قالت بزاف ديال التقارير الصحفية الميريكانية، فالرابور ديدي قدم واحد المقترح للمحكمة باش يبدلو ليه السيلول ديالو بجزيرة خاصة يسكن فيها غير هو.
وأكدات نفس التقارير أن الطلب ديال ديدي رفضو القاضي، وجاوبو بصريح العبارة: “هادشي ماغاديش ينجح”.
واقتارح ديدي أنه يعيش فواحد القصر فاخر ديالو في جزيرة معزولة تحت المراقبة الشديدة، ولكن القضاء كان عندو راي آخر.
وغير باش تعرفو راه اكثر من 120 واحد دارو شكايات ضد ديدي كيتاهموه بالاغتصاب والاتجار بالبشر وتهم أخرى خطيرة بزاف، وغا تكون أول جلسات المحاكمة نهار 5 فشهر ماي من العام الجاي.
