كود الرباط//

حققت الصفحات الجديدة لي طلقات العصبة الوطنية لكرة القدم الاحترافية، مشاهدات مهمة بالاعتماد على الجيل الجديد في التواصل بالاستعانة بمحترفي السوشل ميديا.

وحسب ما عاينت “گود”، فالصفحات ديال البطولة الوطنية لي طلقاتهم العصبة هادي أسبوع محيحين، بحيث فاتو 25 ألف متابع فانستغرام.

وحقق الفيديو ديال بيكي فالجديدة فماتش الدفاع الحسني مع الماص فات 2,5 مليون مشاهدة فثلاثة أيام.

وكان بيكي في ضيافة نجم الستريمات ف العالم الياس المالكي، كما ان الأخير دوز الفيديو ديال صفحة البطولة على بيكي ف لايف ديالو ولللي كيشوفو عشرات الالاف.

الستريمر إلياس المالكي متبع الصفحة، كذلك، مما يعني بلي العصبة بغات تستعن بنجوم السوشل ميديا خصوصا لي كيجيبو العز للبلاد.
اكدت مصادر “گود” بلي عبد السلام بلشقور، رئيس العصبة الوطنية لكرة القدم، بغا يطور العصبة ويتبع مسار وأسلوب فوزي لقجع، دينامو الكرة الوطنية لي وصلها للعالمية.