الرئيسية > كود سبور > ديبلاصمون مهم لوليد الركراكي قبل المونديال
03/10/2022 16:00 كود سبور

ديبلاصمون مهم لوليد الركراكي قبل المونديال

ديبلاصمون مهم لوليد الركراكي قبل المونديال

كود سبور//

من المنتظر يدير الناخب الوطني وليد الركراكي جولة فأوروبا، على اللعابا الدوليين المغاربة قبل ما يحسم فاللائحة اللي غتمثل المنتخب الوطني المغربي فكأس العالم المقبلة فقطر.

وغيديبلاصا وليد الركراكي، حسب مصادر مطلعة، لعدد من البلدان الأوروبية من بينها الصبليون وفرنسا وبلجيكا، حيث غيتبع مجموعة من اللعابا المغاربة مع فرقهم وغيطلاقا بهم وهاذشي باش يحسم فالعناصر اللي غيكونو معاه فكأس العالم اللي بقات ليها أسابيع قليلة وتبدا.

للإشارة فوليد الركراكي بدا فعملية تتبع اللعابا المحليين، من خلال حضور عدد من ليماتش ديال البطولة فالويكاند اللي فات، وذلك فانتظار يكشف على لاليست اللي غيشارك بها المنتخب الوطني فالمونديال ديال 2022.

موضوعات أخرى

08/12/2022 21:36

قصبة مولاي الحسن بفاس.. دور صفيحية وبنايات مهددة بالانهيار ومسؤول من وزارة الثقافة لـ”كود”: تدخلنا تقني والموقع تابع لإدارة الدفاع