وكالات//

تقام مزاد علني تحت إشراف دار “تاجان” فباريس، وتباعت نسخة نادرة من القانون المدني الفرنسي كانت مملوكة للإمبراطور نابليون بونابرت بثمن وصل ل395 ألف يورو.

هاد النسخة كتعتبر من القطع التاريخية الفريدة، حيث كترجع لفترة حكم نابليون لي كان عندو تأثير كبير ف تشكيل النظام القانوني الفرنسي.

تاريخ هاد النسخة كيرجع لفترة حكم نابليون، وكان خلاها الإمبراطور فقلعة سان كلو من بعد ما نفاوه لجزيرة إلبا ف1814.

وكتعتبر هادي الوثيقة من الأدلة التاريخية المهمة على تأثير نابليون ف تطوير وتطبيق القانون الفرنسي، لي كان الأساس لعديد من الأنظمة القانونية فدول أخرى.

من بعد نفي نابليون، انتقلت ملكية الوثيقة لإتيان شارفيه، واحد من مساعدي الإمبراطور ومدير قلعة سان كلو.

عائلة شارفيه حافظت على النسخة ديال هاد الوثيقة من سقوط الإمبراطورية الفرنسية الأولى ف1815، وبقات فيد العائلة حتى وصلت لدار المزادات، لي عرضوها للبيع فمزاد علني من بعد قرنين من الزمن.