كود سبور//

واصل الدولي المغربي براهيم دياز التألق مع ريال مدريد، واخا خسرو مع ريال بتيس، اليوم السبت فإشبيلية برسم الجولة 26 من بطولة الصبليرن.

وسالا الماتش بين ريال مدريد وريال بيتيس بنتيجة 2 لواحد، لمصلحة صحاب عبد الصمد الزلزولي اللي غاب على الماتش بسبب الاصابة، وماركاو ريال مدريد هما الاولين فالماتش بهدف ديال النجم المغربي براهيم دياز فالدقيقة 9، ولكن ريال بيتيس قلبو الماتش وماركاو 2 اهداف.

للاشارة فبراهيم دياز رفع عدد الاهداف ديالو إلى 4 اهداف هذا الموسم مع ريال مدريد فبطولة الصبليون، وريال مدريد بقاو فالصدارة مع بارصا برصيد 54، مع ماتش ناقص للبارصا.