كود سبور//

مرشح الدولي المغربي براهيم دياز للتتويج بجائزة أحسن لاعب فريال مدريد الإسباني خلال شهر فبراير الماضي، وهذا الشي واخا ما كايلعبش بزاف.

ومنافس براهيم دياز على جائزة احسن لاعب فشهر فبراير، بعد التألق ديالو فالوقت القليل اللي كايلعب مع ريال مدريد والفرص القليلة اللي كايعطيها له المدرب كارلو أنشيلوتي، واللي استغلها وماركا منها هدف على مانشستر سيتي قبل ايام فشومبيونزليك، بالإضافة إلى الهدف اللي ماركاه السبت الماضي ملي لعب رسمي مع ريال بيتيس فبطولة الصبليون، وخرج فالدقيقة 59، حيث حس براسو موعت حسب ما قالت جريدة “ماركا” الإسبانية، مع العلم انه كان حاضر فالتداريب البارح الاحد بشكل عادي، وراه ماركا 5 الاهداف هذا الموسم مع ريال مدريد وعطى 7 التمريرات حاسمة.

ودابا منافس براهيم دياز على جائزة احسن لاعب فشهر فبراير مع كل من البرازيليين فينيسيوس جونيور، ورودريگو، والكرواتي لوكا مودريتش، والنگليزي جود بيلينگهام.