كود سبور//

رجع الدولي المغربي براهيم دياز الفريق ديالو ريال مدريد الإسباني، بعدما حضر الماتش الاول ديال الاسود ضد تونس اللي كان ودي فتيران فاس، واخا ما لعبوش بسبب الاصابة وقرر الناخب الوطني يخليه يمشي قبل من ماتش الأسود ضد البنين حيث ما يقدرش يلعب.

وكان حاضر براهيم دياز اليوم الاثنين مع ريال مدريد خلال اول حصة تدريبية للفريق الاسباني تحت قيادة المدرب الجديد تشابي ألونسو، وشارك النجم المغربي فالتداريب الجماعية مع اللاعبين وهذا الشي لاول مرة بعدما كان توعت مع نهاية بطولة الصبليون.

وملي كان براهيم دياز فمعسكر المنتخب الوطني المغربي الايام اللي فاتت، كان كايتدرب تداريب خفيفة وانفرادية بوحدو بسبب الاصابة.