گود سبور//

رد النجم المغربي ابراهيم دياز لاعب ريال مدريد بطريقة خاصة على الأرجنتيني ديگو سيميوني مدرب اتليتيكو مدريد بعدما ماركا عليهم فماتش ذهاب ثمن نهائي دوري أبطال أوروبا.

وملي ماركا ابراهيم دياز الهدف الثاني لريال مدريد على اتليتيكو مدريد، وفرح واحتفل مع جمهور ولاعبين الفريق ديالو ومدربهم كارلو أنشيلوتي، شدات الكاميرا النجم المغربي وهو كايقول لدييگو سيميوني “هضر دابا هضر”، وهو جواب للنجم المغربي على المدرب الأرجنتيني اللي كان قال فالندوة الصحافية قبل الماتش أن ابراهيم دياز موحال يلعب رسمي مع ريال مدريد ضدهم.

ونجح ريال مدريد بالهدف ديال ابراهيم دياز فتحقيق الرباح على اتلتيكو مدريد بنتيجة 2 لواحد، وحط رجلو الأولى فربع نهائي دوري أبطال أوروبا في انتظار ماتش الروتور ضد أتليتيكو.