وكالات//

كتعيش دولة لاتفيا واحد الأزمة غريبة شوية، وهي “قلة الرجال”، وهاد الشي ولى مشكل كبير لعيالاتها الزوينات، اللي ولاو مضطرّين يكرّيو “رجّال بالسّاعة” باش يديرو الأشغال ديال الدار.

وحسب جريدة “ذا صن”، هاد النقص راجع لأن عيالات لاتفيا قاريين مزيان، صحتهم زوينة، وكايعيشو مدة أطول من الرجال.
ومع قلّة الرجال، تزدهر بزاف ديال الخدمات بحال “زوج لساعة”، اللي كتخلي العيالات يكرّيو رجال يديرو الأشغال فالدار والإصلاحات.
وبمقابل شي يوروّهات قلال، تقدر العيالات يجيهم واحد التقني اللي يفهم فالصيانة باش يصلّح تسريب ديال الروبيني، يركّب التلفاز، ولا حتى يركّب الأثاث الجاهز بلا ما يبقاو يسناو مواعيد خايبة.
وموقع Komanda24 كيعرض رجال “عندهم يدين من ذهب” فكل لاتفيا، وخدامين طيلة أيام الأسبوع، وكيتكلفو بكلشي: من الأسلاك الكهربائية حتى لرفع الحاجات الثقيلة.
وخدمة Remontdarbi.lv كتخلي العيالات يحجزو “زوج لساعة” عبر الإنترنت أو التليفون، وكيجي الراجل فالظرف ديال 60 دقيقة، بحال خدمة أوبر ولكن للأعمال المنزلية.