الرئيسية > تبركيك > دوزي دار عملية فبلجيكا.. كولشي داز مزيان والفنانة تمناو ليه الشفاء
18/06/2020 10:00 تبركيك

دوزي دار عملية فبلجيكا.. كولشي داز مزيان والفنانة تمناو ليه الشفاء

دوزي دار عملية فبلجيكا.. كولشي داز مزيان والفنانة تمناو ليه الشفاء

أسماء غربي – كود//

عبد الحفيظ دوزي دار عملية في سبيطار في بلجيكا، وكولشي داز مزيان.

العملية قالو انها على العمود الفقري، ولكن دوزي ماحطش الديطاي، بل اكتفى فبوسط على حسابو في انستكَرام بتصويرة من سبيطار، وعلق عليها: الحمد لله على نعمة الصحة .. دعواتكم  #احبكم_وكفى.

وبزاف تفاعلو مع الصورة، منهم حتى مشاهير بحال گاد المالح، وسعد لمجرد كتب ليه: “ألف سلامة عليك أخويا حفيظ”، وإيمان الباني يلدريم كتبات ليه: “على سلامتك، الله يشفيك”، بينما قالت الفنانة يارا: “سلامة قلبك وربي يشفيك وتقوم بالسلامة”.

موضوعات أخرى