كود كازا//

دوزيم عاقبت وديع دادة جوج مرات الاولى توقيف لمدة ثمانية أيام وهاد العقوبات جات من الموارد البشرية ديالها بعد اجتماع صوري والمضحك أنه اجتماع حضره خصوم وديع والنقابة ديالو لي هوما امغار الكاتب العام لنقابة مخاريق بدوزيم والوافي المدير بالنيابة لي هو الكاتب العام الفعلي ديال النقابة. دابا واش هذا اجتماع شرعي لي كيتاخذ قرارات تأديبية ولي فيه الخصم والحكم؟ امغار والوافي سبو وديع وصحابو

ليهم يحضروا اجتماع ضد خصمهم مكايناش حتى في كوريا الشمالية، وهادشي عندو تفسير وحيد هو نقابة مخاريق مسيطرة على الادارة وبغات تكمم الأفواه ديال الصحفيين لي داروا تنسيقية ديالهم.
نرجعو للعقوبة فهي معندهاش منطق، علاش مكتطبقش على الجميع وعلاش فقط وديع وفهاد الوقت؟ راه كلشي باين وساعدني محركاه النقابة يصفي حسابات.

العقوبة الثانية لي خدا وديع دادة هي التجريد من رئاسة التحرير والإزاحة من تقديم الاخبار، هاد القرار التعسفي نقراوه من جهتين اولاً من حيث الجهة لي دارتو وهو ساعدني شخصيا لي وقع عليه، اولا رئاسة التحرير رتبة وتدرج مهني كيجي بعد جهد واجتهاد في المسار المهني وباش يحيدوه لشي حد خاص ما هي وما لونها، دابا واش ماشي الظلم بعينيه يحيدو كراد لواحد خدام وكيجتاهد في الوقت لي عدد كبير من الأشباح ومزال عندهم الكراد مثلا مولات الخيط البيض سنوات وهي رئيسة تحرير ومعمرها جات وبلا منذكروا زميلات وزملاء بنفس الوضعية ديال التشبح.

النقطة الثانية ولي هي فضيحة وتتعلق بمصدر القرار ولي هو ساعدني ولي هو أصلا معندوش التمديد ومعندو تا ورقة حسب مثادر كود وعير حارك لأنه كتدافع عليه Umt والغريب أن دوزيم كتخلصو وكتخلصو دابا هذا ماشي تبديد للمال العام؟ وضعية ساعدني كتسيء لدوزيم ولسليم الشيخ والإعلام والبلاد كاملة كيفاش واحد كيمرمرد فالقانون حيث موراه umt دابا واش مخاريق ولى كيتحكم فمؤسسة استراتيجية بحال هاكا هادشي خطير بزاف وخاص يوقف يقول صحفي.

وبخصوص فضيلة انوار المديرة المساعدة للأخبار ولي كنا تطرقنا لملفها فهي غادرت القناة باش تليكيدي الأيام ديال الكونجي لي مزاليها باش تمشي للتقاعد رسميا مع المسيرة الخضراء، على الاقل مدير دوزيم فهم راسو ومدارش ليها التمديد حيث عارف غادي يترفض كيف ترفض لساعدني.

وتضيف مصادرنا أن الوضعية الكارثية لي وصلات ليها القناة هي بسبب لوبي قناة مخاريق بدوزيم نقابة كترقي مناضليها الى مدراء وكتعين بناتهم وولادهم فيها وباك صاحبي وكيترقاو فيه دون دبلومات وزيد وزيد، ولنا عودة لملف مدير مساعد من umt معندوش الباك. يتبع