الرئيسية > ميديا وثقافة > “دوزيم” ضربها الله. مقدمة اخبار كدير اشهار بوقاحة.. ومصدر: مشات سميرة وبدات الضصارة
27/02/2021 09:00 ميديا وثقافة

“دوزيم” ضربها الله. مقدمة اخبار كدير اشهار بوقاحة.. ومصدر: مشات سميرة وبدات الضصارة

“دوزيم” ضربها الله. مقدمة اخبار كدير اشهار بوقاحة.. ومصدر: مشات سميرة وبدات الضصارة

أسماء غربي ـ كود ///

فضيحة وصافي. مقدمة اخبار ف”دوزيم” اسمها احسان بن بل قلباتها اشهار. اييه استغلت ثقة لمغاربة فيها كمقدمة لقناة محترمة باش تسوق لمنتوج. كلشي فيه كيعطي الانطباع باللي هادي لخبار ماشي اشهار. تقديم احسان دارتو كيف كديرو فالنشرات بالفرنسية. دخلات معطيات على التغذية من عند وزارة الصحة ورفقاتها بمعطيات من المندوبية السامية للتخطيط.

باش دير هاد الشي ما يمكن الا يثيقو فيك المشاهدين. زايد ستوديو فيه بلاطو حاضر فيه نيتروسيونيست ومديرة عامة للشركة مولات الاشهار.

كلشي فقالب اخباري كيضرب بالاساس القناة الثانية. كيضرب مصداقيتها.

هاد الاحتيال خطير بزاف. وفق مصدر من القناة ل”كود” فهاد السيبة يستحيل كانت تكون باش كانت سميرة سيطايل على رأس مديرية الاخبار.

دابا تقديم الاخبار عندو قدسيتو. ما يمكنش يوصلو لهاد المستوى.

موضوعات أخرى

20/04/2021 02:00

التلاميذ المصابين ضحايا حادث الفاركونيط بوزان مازالين فمستشفيات طنجة وفعاليات جمعوية وتربوية كتحاول تجمع تبرعات لمساعدتهم..

19/04/2021 23:00

رمضان وكونفينمون (الحلقة 5).. رشيد أيلال فحوار مع “كود”: التراويح بدعة والسنة هي تصليها فدارك.. وقرار الحكومة غير مسؤول حيت مادارتش الحل لصحاب القهاوي