الرئيسية > كود-تيفي > “دوزيم” ضربات الطم على أسباب تأجيل حلقة فبرنامج حديث مع الصحافة اللّي كان غادي يدوز فيه العمراني نائب الأمين العام لحزب البي جي دي.. واش هذا منع سياسي؟
09/03/2021 19:00 كود-تيفي

“دوزيم” ضربات الطم على أسباب تأجيل حلقة فبرنامج حديث مع الصحافة اللّي كان غادي يدوز فيه العمراني نائب الأمين العام لحزب البي جي دي.. واش هذا منع سياسي؟

“دوزيم” ضربات الطم على أسباب تأجيل حلقة فبرنامج حديث مع الصحافة اللّي كان غادي يدوز فيه العمراني نائب الأمين العام لحزب البي جي دي.. واش هذا منع سياسي؟

كود كازا///

القناة الثانية “دوزيم” ضربات الطم بزايد على الأسباب الحقيقة اللّي واقفة مورا تأجيل حلقة برنامج “حديث مع الصحافة” اللّي كيقدمو الزميل عبد الله الترابي، وكان من المنتظر يدوز فيها سليمان العمراني نائب الأمين العام لحزب العدالة والتنمية.

“كود” دارت عدد من الاتصالات مع مسؤولي القناة لكن حتى شي حد معطا شي سبب مقنع. هضرنا مع حميد ساعدني مدير الأخبار بالقناة الثانية اللّي أكد أن معندو علاقة بالبرنامج وطلب منا نسولو مقدم برنامج أو المسؤول عليه واللّي هو رضا بنجلون.

رجعنا ف”كود” درنا اتصال مع بنجلون وقال على أنه مريض وعمرو عطا شي تصريح أو عقب على شي حاجة عندها علاقة بخدمتو. “كود” زادت دارت اتصالات وعيطنا حتى لسليم الشيخ المدير العام للقناة لكن لا يجيب كعادته.

أسئلة كثيرة كتحط على أسباب تأجيل هاد الحلقة لي جاية مع الجدل لكبير ديال القاسم الانتخابي الذي لا زال يناقش فالبرلمان. واش تأجيل هاد الحلقة هو “منع” في حد ذاته لأسباب سياسية أو شنو تما.

“دوزيم” خاص تكون عندها الجرأة وتقول للرأي العام شنو الأسباب الحقيقة وراء هاد التأجيل المفاجئ والغامض.

وكان العمراني قد نشر تدوينة فالفايسبوك وكتب فيها: “اتصلت بي إدارة القناة الثانية لتخبرني أنه لاعتبارات قالت إنها تقنية، فقد تقرر تأجيل الحلقة المبرمجة غدا الأربعاء 10 مارس من برنامج”حديث مع الصحافة”، والتي كان مقررا أن تستضيفني فيها، إلى الأربعاء 24 مارس”.

موضوعات أخرى

23/09/2021 22:21

عاجل.. سالا الكلام: عمدة الرباط داتها اسماء اغلالو والاجتماع فدارها باقي مسالاش بحضور الطالبي وأوزين وها كيفاش كولشي تحسم