كود كازا ///

قالت النسخة العربية من موقع “دوتشي ڤيلي” ان “القضاء الالماني قرر تسليم محمد بودريقة”. رئيس الرجاء البيضاوي السابق والبرلماني عن حزب التجمع الوطني للاحرار عن دائرة درس السلطان الفداء٬ “الى القضاء المغربي.

هاد التسليم انهى مسلسل قضائي طويل بدا من نهار اعتقال بودريقة فمطار هامبورگ فشهر يوليوز 2024. صفحة فايسبوك ديال الموقع للدولة الالمانية قالت باللي كيتابع ب”تهمة النصب والاحتيال” وباللي كانت عليه مذكرة دولية.

بورديقة كان عايش بين لبنان ودبي وقرر ينتاقل لالمانيا باش يتلاقى مع مدرب الرجاء حينها جوزيف زينباور. مصادر هدرات على خطة لعب فيها شي سمسار للعابة والمدربين من المغرب اذ تم استدراجو لاوربا باش يتم اعتقالو

دابا كيقولو باللي كاين شكايات كثيرة على بودريقة من كليان شراو من عندو ديور. الدولة خاسرة ايلى تحكم عليه وبقى فالحبس. خاصو يجي ويعطيوه مدة محددة باش يحل مشاكل لكليان. سجنو ما غاديش يرجع ليهم ديورهم.