الرئيسية > تبركيك > دنيا باطمة.. فعيد العرش لي تعطاها فيه وسام تحكم عليها بالحبس فقضية “حمزة مون بيبي”
01/08/2020 20:00 تبركيك

دنيا باطمة.. فعيد العرش لي تعطاها فيه وسام تحكم عليها بالحبس فقضية “حمزة مون بيبي”

دنيا باطمة.. فعيد العرش لي تعطاها فيه وسام تحكم عليها بالحبس فقضية “حمزة مون بيبي”

نجوى المالحي- كود//

الى كان خاصنا نستخلصو دروس من قضية دنيا باطمة، فهي كيفما طلعتي ممكن تنزل، الرسائل من القضية ديالها كانت قوية وواضحة، وأهمها أن لا أحد فوق القانون وكلشي سواسية والى جات فيك الدقة غير حدر ليها الراس.

دنيا لي كانت كتتعنى بالأوسمة ديالها، كان الحكم عليها هو يوم ذكرى عيد العرش، وهي نفس المناسبة لي خدات فيها هاد الأوسمة لي فرحانة بيهم وكتقول للناس أنا ما غاديش نتشد حيت عندي.

مصادر قريبة من دنيا باطمة، قالت لـ”كود” أنها كتعيش أيام عصيبة لي ما تمناهاش للعدو بسبب الحكم لي صدر عليها وعلى ختها، ب8 شهور ديال الحبس النافذ ليها وعام لابتسام، وخصوصا أنها متأثرة بزاف من جهة ختها.

عائلة باطمة وعلى حسب المصادر ديال “كود”، قلباتها گنازة ليلة إصدار الحكم، ولكن رغم دلك خرجات عوتاني دنيا كتعاير في الناس في حسابها على انستگرام، وكتقول أنا قوية وأنا وأنا.

موضوعات أخرى