وكالات//

نهار السبت اللي فات، واحد الهيليكوبتر خاصة كانت غادة فالهند، وبالضبط فمنطقة غوبتكاشي بولاية أوتاراخاند، واضطرات باش تهبط هبوط اضطراري فوسط لوطوروت.

هادشي وقع ليها بسباب شي خلل تقني بان فيها غير شوية من بعد ما قلعات.

ملي كانت كتهبط، الذيل ديال الهيليكوبتر قاص طوموبيل كانت دايزة فالطريق، وهادشي خلى الطوموبيل تهرس.

لحسن الحظ، الركاب الخمسة اللي كانوا فالهيليكوبتر ما وقع ليهم والو، أما الطيار فجراحاتو كانت خفيفة وتدّى للسبيطار حيت كان كيضرو ظهرو.

الهيليكوبتر كانت متجهة لبلاصة سميتها كيدارناث دام، وكانت هازة معاها 5 ديال الركاب، كيف ما قالت جريدة “إنديا توداي” الهندية.