كود سبور//

غادي يستانف دفاع الـ18 سنغالي اللي تحكمو عليهم بالحبس اليوم الخميس بالمحكمة الابتدائية بالرباط ومعهم فرنسي من أصل جزائري، بسبب أحداث الشغب اللي دارو ففينال كأس إفريقيا فتيران مولاي عبد الله بين المنتخب الوطني المغربي والمنتخب السنغالي.

وحسب الإعلام السنغالي وجريدة Senenews السنغالية، فالمحامين ديال الـ18 سنغالي، غادي يديرو استناف الحكم اللي صدر فحق الموكلين ديالهم، والحكم اللي قضت به المحكم الابتدائية بالرباط على هاد السنغاليين بالحبس بين 3 أشهر وعام د الحبس.

وكانو هاد 18 سنغالي والفرنسي من أصل جزائري، تشدو بعدما دارو الشغب فالتيران وتهجمو على السلطات والمتطوعين والمصورين فالتيران والفينال ملعوب، والعالم كايتفرج فيهم وتسببو حتى فأضرار بالملعب، قبل ما يتدخل الأمن المغربي فالوقت المناسب.