الرئيسية > آش واقع > دفاع الريسوني شافوه اليوم فالحبس: ولا بحال شي سكوليت كيتنفس.. وقاطع السكريات هذي خمس أيام.. وباغي يحضر لمحاكمتو غدا الثلاثاء
05/07/2021 22:20 آش واقع

دفاع الريسوني شافوه اليوم فالحبس: ولا بحال شي سكوليت كيتنفس.. وقاطع السكريات هذي خمس أيام.. وباغي يحضر لمحاكمتو غدا الثلاثاء

دفاع الريسوني شافوه اليوم فالحبس: ولا بحال شي سكوليت كيتنفس.. وقاطع السكريات هذي خمس أيام.. وباغي يحضر لمحاكمتو غدا الثلاثاء

عفراء علوي محمدي- كود//

دفاع الصحافي المعتقل سليمان الريسوني، والمضرب عن الطعام منذ قرابة 90 يوم، زاروه اليوم، ولقاوه فحال  متدهورة بزاف، حسب وصفهم.

وقال دفاع الريسوني، ميلود قنديل، فتدوينة ليه على تفاصيل وضعو الصحء، انه جا يشوفهم على كرسي متحرك، ومابقى منو غير الهيكل العظمي كيتنفس.

وكشف الريسوني لهيئة دفاعو اللي زارتو اليوم الاثنين، والمكونة من قنديل ومحمد مسعودي ولحسن دادسي، (كشف) أنه قطع تناول السكريات منذ فاتح يوليوز حتى لليوم، ورفض يمشي للسبيطار ديال الحبس مؤقتا، بعدما عرفهم غيزيدو ليه كمية كبيرة من السكار باش “يزيدو يطولو مدة تعذيبو”، كيف قال.

https://m.facebook.com/story.php?story_fbid=10220244116599183&id=1415843473

وحسب قنديل دائما، فقرار الريسوني هذا جا “احتجاجا على تغييبو المتعمد عن جلسات محاكمتو، وعدم الاستجابة لطلبات دفاعو فنقلو للإنعاش، وتمتيعو بحقو فالسراح”.

وشكر الريسوني اللي تعاطفو معاه وتضامنو، وكيخبر الناس انه بخير ومحب للحياة وماشي شخص انتحاري، ولكن اللي “فبرك” هذ الملف ماخلاليهش فرصة ثانية.

وأدان الريسوني تغييبو على جلسات محاكمتو وأكد على تشبتو وحرصو على حضور جلسة غدا الثلاثاء.

موضوعات أخرى

23/09/2021 22:21

عاجل.. سالا الكلام: عمدة الرباط داتها اسماء اغلالو والاجتماع فدارها باقي مسالاش بحضور الطالبي وأوزين وها كيفاش كولشي تحسم